Mëngjesin e sotëm, një pikë servisi mjetesh në Elbasan është përfshirë nga flakët. Ngjarja ndodhi në rrugën Elbasan-Ish Kombinati Metalurgjik.
Flakët kanë përfshirë të gjithë biznesin, i cili tregtonte dhe pjesë këmbimi anës rrugës. Burimet paraprake, ende jo zyrtare, bëjnë me dije se në garazhin e servisit ka pasur të paktën dy automjete, të cilat janë shkrumbuar nga zjarri.
Tre mjete të shërbimit zjarrfikës po punojnë për shuarjen e flakëve, ndërsa ende nuk dihen shkaqet e rënies së zjarrit.
