Ndër investimet më të rëndësishme në kryeqytet, është ai i Ujësjellësit të Bovillës, ku u dyfishua uji i pijshëm dhe 62% e Tiranës do të ketë ujë 24 orë në shtëpi.
Kreu i qeverisë, Edi Rama, i shoqëruar nga kryebashkiaku Erion Veliaj dhe ministrja Belinda Balluku, vlerësuan këtë investim me mjaft rëndësi për Tiranën.
Gjatë fjalës së tij, kryeministri Rama e cilësoi një investim madhor te Bovilla, duke thënë se përfitojnë 250 mijë banorë.
Gjithashtu Rama tha se po punohet në 55 zona të vendit, për të siguruar furnizimin me ujë 24 orë.
