Ministrja e Shëndetësisë dhe Mbrojtjes Sociale, Ogerta Manastirliu, ka takuar ditën e sotme Manuelin, 9-vjeçarin që ka kryer transplantin e veshkave falas, me financim 100% nga shteti.
Përmes një postimi në Facebook, Manastirliu ka publikuar edhe disa foto nga vizita në shtëpinë e djaloshit në periferi të Tiranës.
Ministrja e Shëndetësisë dhe Mbrojtjes Sociale, Ogerta Manastirliu, ka vizituar Manuelin, 9-vjeçarin nga periferia e Tiranës, i cili ka kryer transplantin e veshkave falas, me financim 100% nga shteti.
Manuel Ferati ka lindur me një veshkë dhe që prej muajve të parë të jetës ka kaluar më shumë kohë në spitale. Dy muaj më parë ka kryer transplantin e veshkës, të cilën ia ka dhuruar i ati, ndërsa financimi i ndërhyrjes së kushtueshme është mbuluar 100% nga shteti.
“Që prej muajve të parë të jetës, Manueli i vogël ka kaluar aq shumë kohë në spitale sa i duket si ëndërr që vuajtjet e tij me dializën dhe ndërhyrjet kirurgjikale kanë marrë fund??
Prej dy muajsh, 9-vjeçari ka kryer #falas transplantin e veshkës, me financim 100% nga shteti. Për fat gjithçka ka shkuar mirë për Manuelin dhe të atin që i ka dhuruar veshkën ?
9-vjeçari është pacienti më i vogël që ka kryer transplantin e veshkës, ndërsa vetëm këtë vit janë 29 pacientë që kanë kryer transplantin #falas!
Që prej fillimit të financimit të paketës së transplantit nga shteti 4 vite më parë, 90 pacientë e kanë kryer ndërhyrjen falas”, shkruan ajo në postimin e saj.
Transplanti i veshkave është pjesë e paketave shëndetësore falas, të cilat financohen nga shteti në spitalet publike dhe jopublike.
