Kryetari i Bashkisë së Tiranës, Erion Veliaj, ka komentuar me nota të ashpra situatën politike në vend, gjatë takimit me këshillin konsultativ të qeverisjes vendore pas tërmetit që goditi Tiranën dhe Durrësin.
Në fjalimin e tij të mbajtur, Veliaj nuk i kurseu ironitë ndaj opozitës, e cila ditën e djeshme u largua nga tryeza për Reformën Zgjedhore. Veliaj i kritikoi rëndë të dy përfaqësuesit, Ivi Kaso dhe Myslym Murrizi, duke u shprehur se ata mendojnë vetëm për by**ën e tyre.
“Ka qenë një moment gjunjëzimi ndaj natyrës tërmeti. Në një hotel tjetër u bë teatër, mendojnë për vete dhe ikin nga tryezat. Më falni për shprehjen; për by**ën e tyre. Ka ardhur nevoja për një tërmet mentaliteti. Si mund të funksionoje politika kështu?! Shpërblim për zjarrfikësit. Këta janë heronj, ata që kanë ngelur pa gjumë 72 orë. Jo këta idiotët, vigani-shkurtabiqi, që ikin nga tavolina”, tha Veliaj.
