Shkëlqim Cala, 44 vjeç, ishte në kërkim nga policia italiane. Ai u arrestua në një banesë në Nodica, një fshat në komunën Veçhiano. Ndaj tij ishte lëshuar një urdhër arrest nga Prokuroria Italiane që prej vitit 2015 dhe ishte dënuar me 8 vite e 5 muaj burg për veprat e kryera.
Mbi të rëndojnë veprat penale si “vjedhje”, “rrëmbim personi”, “shfrytëzim prostitucioni”, “zjarrvënie” etj. Karriera e tij kriminale daton 15 vite më parë, që nga viti 2002.
Në aksionin e kapjes së tij morën pjesë dhjetëra efektivë si dhe një helikopter që monitoronte zonën. Sipas policisë italiane, 44 vjeçari ka përdorur 12 identitete të ndryshme për t’i ikur policisë.
