Ish-kryeministri Berisha ka qenë personi i parë i cili denonci rastin e 13-vjeçares, që u përdhunua nga shokët e të dashurit të saj. Pas debateve të nxehta në Kuvend, ku palët hodhën akuza mbi njëri-tjetrin, Berisha rihap sërish ‘plagët’, duke drejtuar gishtin tek kryeministri Rama, si një person që ka qëndruar pasiv lidhur me këtë ngjarje të rëndë për shoqërinë shqiptare.
Vajza e cila u mbajt peng nga një video intime, sot po përjeton dhimbjen edhe nga komentet e shumta nga rrjetet sociale, e jo vetëm. Jo vetëm kaq, por edhe nga trysnia e shoqërisë. Jo më pak po vuajnë edhe prindërit e djemve abuzues, të cilët janë ende të shtangur për çfarë ka ndodhur.
