Edhe këtë herë ish-kryeministri Berisha ka goditur në shenjë referuar rastit të përdhunimit të minoreneve. Ai bëri publik rastin skandaloz të dy vajzave të klasës së shtatë të cilat janë abuzur, e ndërsa drejtoria e shkollës është përpjekur për të fshehur ngjarjen në fjalë. Menjëherë pas këtij rasti që është bërë publik nga vetë Berisha në rrjetin social Facebook, kanë shpërthyer një mori komentesh nga ana e qytetarëve. Lidhur me këtë ngjarje, një reagim është përcjellë edhe nga Kryetari i Bashkisë së Selenicës, Perparim Shametaj.
Ai ka deklaruar se janë vënë në dijeni të rastit, ndërsa pohon se vajza ka bërë denoncim në polici, dhe pas një dite e ka tërhequr. “Panorama” mëson se pas ekzaminimit mjekësor që i është bërë të miturës, nuk janë konstatuar shenja dhunimi ose përdhunimi, ndërsa një ditë më pas ajo ka tërhequr dëshminë, duke deklaruar se e kishte bërë për inat të shoqes.
Për ngjarjen në fjalë pritet edhe një reagim zyrtar i Policisë së Vlorës, ku thuhet se është bërë denoncimi.
