Pas vendimit të Berishës për të thirrur qytetarët në një protestë kundër qeverisë më 7 korrik, dje u dhanë provat se PD-ja është përçarë. Deputeti demokrat, Enkelejd Alibeaj, dje theksoi se Berisha nuk mund të përfaqësojë njerëzit që vuajnë, ndërsa tha se mënyra më e mirë për të bërë protestë është në Kuvend.
Sekretari i Përgjithshëm i Partisë Demokratike, Gazmend Bardhi, po kështu ironizoi protestën e thirrur nga ish-kryeministri Sali Berisha. Bardhi shprehej se do të jetë gjithmonë krah qytetarëve, por s’do të jetë kurrë krah një personi të shpallur “non grata” për korrupsion, duke iu referuar Sali Berishës. “Shqiptarët kanë shumë arsye për të protestuar ndaj Qeverisë së korruptuar të Edi Ramës. Kam qenë dhe do jem gjithmonë krah qytetarëve, kërkesave të tyre legjitime, edhe pse smë bashkon dhe sdo jem kurrë krah një personi të shpallur non-grata për korrupsion”.
Shqiptarët kanë shumë arsye për të protestuar ndaj Qeverisë së korruptuar të Edi Ramës. Kam qenë dhe do jem gjithmonë krah qytetarëve, kërkesave të tyre legjitime, edhe pse smë bashkon dhe sdo jem kurrë krah një personi të shpallur nongrata për korrupsion. 🇦🇱✌️
— Gazment Bardhi (@GazmentBardhi) June 30, 2022
Ish-kryeministri Sali Berisha u pyet në konferencë me mediat përse ka lënë jashtë përfshirjes në grupet e punës për protestën e 7 korrikut, ish-kryetarin Lulzim Basha, Enkelejd Alibeajn e Gazmend Bardhin.
Keni ngritur grupe pune për protestën, por të vetmit që keni lënë jashtë Lulzim Bashën, Enkelejd Alibeajn dhe Gazmend Bardhin, pse u mor vendimi për të lënë jashtë këta tre deputetë?
“Relative kjo, ajo ishte një këshillë. Këshilla ka gjithmonë relativitet të madh. Askush s’mund të pengohet për të ardhur në protestë, por nëse unë jap një këshillë në interesin më të mirë të protestës, kjo nuk do të thotë ndalim, më vjen keq mos e interpreto kështu, është thjesht një këshillë. Ata po të duan e pranojnë, po të duan nuk e pranojnë”.
