Në një moment kur opozita vazhdimisht është shprehur se nuk do të marrë pjesë në zgjedhjet e qershorit nëse Rama do të jetë kryeministër, ish-deputeti i LSI-së, Përparim Spahiu deklaroi se është i gatshëm të shkojë një zgjedhje të përgjithshme.
Spahiu i ftuar në emisionin “360 Gradë” në RTV Ora tha se është i gatshëm të përballet me Ramën në zgjedhje që të dielën dhe u shpreh i bindur se Rama nuk fiton më.
Spahiu: Ikim në zgjedhje me programe, me koalicione. Opozita i ka vënë kushtet e saj. Ne si opozitë kemi kërkesat tona dhe presim reagimin e një mazhorance siç është ajo e PS-së. Një datë zgjedhjesh pritet, e mirëpresim dhe jemi gati për garën e radhës korrekte.
Murrizi: Nëse Rama thotë për 45 ditë.
Spahiu: Unë jam gati të shkoj me Ramën kryeministër në zgjedhje edhe ditën e diel. Unë dhe shumë deputetë të tjerë sepse nuk ka shans që Rama të fitojë më.
Zheji: Mund ta thuash edhe një herë?
Spahiu: Unë jam gati. Të shpalli një datë për zgjedhje dhe iki me Ramën kryeministër, sepse nuk fiton më.
