Një italian dhe një çift shqiptar kanë rënë në pranga të policisë franceze. Ata janë ndalur në bordin e një automjeti që po hynte në traget, i cili ishte gati për t’u nisur drejt Anglisë. Sipas policisë franceze çifti shqiptar ishte i pajisur me dokumente të rreme italiane. Treshja është ndaluar në Dieppe (Seine-Maritime).
Gjatë kontrollimit të letrave, dokumentet e identitetit të dy pasagjerëve një burrë dhe një grua ishin të dyshimta, raporton actu.fr.
Agjentët e Transmanche më pas u ankuan në stacionin policor Dieppe. Hetimet fillestare zbuluan se dokumentet administrative të dy udhëtarëve ishin të rreme. Megjithatë, karta e identitetit të shoferit të makinës, një 39 vjeçar italian, ishte autentike.
Të tre u arrestuan dhe u dërguan në stacionin e policisë ku ata momentalisht po mbahen në paraburgim. Asnjë prej tyre nuk flet frëngjisht dhe dy udhëtarët shqiptarë, nuk flasin italisht. Aktualisht po zhvillohen hetimet për të hedhur dritë mbi këtë rast./TIRANA TODAY/
