Për të siguruar një mbarëvajtje të festave të fundvitit, ministri Sandër Lleshaj kërkoi bashkëpunimin e qytetarëve. Në një prononcim për mediat, Lleshaj tha se policia do të jetë në krye të detyrës, për të garantuar sigurinë publike.
“Të sigurojmë qetësinë e festës, duke parandaluar me vendosmëri përdorimin e mjeteve piroteknike që në të shkuarën kanë shkaktuar edhe dëme për jetën.
Kërkojmë bashkëpunim për të gjithë rastet që cënojnë sigurinë publike. Të informojnë policinë përmes të gjitha kanaleve që janë funksionale.
Përmes 112 dhe “Komisariatit Dixhital”, edhe për ata që shfrytëzojnë festat për veprimtari të dëmshme. Policia do të jetë aty ku duhet. Për shumë policë nuk ka festë, por shërbim”, tha më tej ai.
