Nuk kanë munguar batutat e kryeministrit Edi Rama në takimin që zhvilloi sot me elektoratin e tij në Tropojë.
Teksa ironizoi kundërshtarët e tij politikë, Rama theksoi se opozita jo parlamentare ndihet e frikësuar, pasi, sipas tij, me çeljen e negociatave për Shqipërinë, fillon një kapitull i ri raportesh me BE-në.
“Për përshesh Paloka të mbyt. Ju i shihni që kanë një hall shumë të madh, që bërtasin shumë se kur bërtet Saliu edhe dëgjohet se bërtet Saliu, por kur bërtet Luli vallaj, është për t’i thënë ore ca të gjeti mos ke nevojë të shkosh…po e vërteta është që bërtasin nga frika”, tha Rama.
Po ashtu, një nga simpatizantët socialistë, i cili gjendej në atë moment mes turmës, tha me zë të lartë emrin e kryeministrit Rama. Ndërkohë, Rama ndërpreu fjalimin e tij, duke iu përgjigjur me fjalët: “Do na shohë patrioti jot dixhital do na thotë Rama ik. Unë do iki, por do iki në Kukës. Se ju dhe dashninë e keni me të bërtitur, me të madhe. E shoh që më do shumë por s’ke pse bërtet aq shumë.”
