Policia vijon intensivisht aksionin për zbardhjen e çështjes së rrëmbimit dhe vrasjes së Jak Prengës. 49-vjeçari u rrëmbye më datë 17 janar në Kamëz, ndërsa pak ditë më parë, policia njoftoi se ai është vrarë ndërsa kërkohet trupi i tij.
Forcat RENEA dhe FNSH kanë zbarkuar në qytetin e Lezhës, ku dhe kanë ushtruar kontrolle të ndryshme gjatë natës.
Ende nuk ka informacione nëse pas kontrolleve që u kryen gjatë natës, në banesa të ndryshme në Lezhë ka pasur shoqërime.
Rrëmbimi i Prengës ka vënë në lëvizje të gjitha strukturat shtetërore, ndërsa ende nuk është gjetur trupi i tij.
