Qetësia në këto ditë të nxehta është prishur për qytetarët e Pejës. Të shtënat me armë zjarri kanë plagosur katër persona në rrugën “Lekë Dukagjini” në Pejë.
Nga të shtënat me armë kanë mbetur të plagosur dy vëllezër me inicialet B.K. dhe N.K, të cilët sipas mediave në Kosovë, janë në gjendje më të rëndë shëndetësore. Plumbat kanë plagosur edhe dy fëmijë që ndodheshin rastësisht në rrugë, të cilët fatmirësisht ndodhen jashtë rrezikut për jetën.
Lajmi është konfirmuar nga drejtori i spitalit në Pejë. Dy vëllezërit mësohet se ishin të ulur në një lokal në momentin kur janë sulmuar me armë.
