Stafi akademik i Fakultetit të Shkencave të Natyrës në Tiranë kanë dalë në protestë përpara godinës së universitetit, ku kanë kërkuar një zëri rritjen e pagës nga qeveria. Po kështu paralajmërojnë se do të bojkotojnë mësimin, deri në plotësimin e kërkesave.
Kryetari i Sindikatës së punonjësve të universiteteve të Shqipërisë, bëri të qartë se kërkesat e tyre janë minimaliste dhe se nuk pranojnë negociata me qeverinë, por presin që këtë vit rritja e pagave të tyre të bëhet me 30%, për të vijuar me rritje 20% vitin e ardhshëm.
“Nuk ka rroga pedagogësh me tarifat e studentëve, ato duhet t’u kthehen studentëve në trajtë shërbimesh e rrogat e pedagogëve duhet të jenë nga granti i qeverisë”, tha ai.
