Pedagogu i gazetarisë, Lush Susaj, shprehu shqtësimin sot se studentët e tij në Kosovë apo Mal të Zi paguhen më shumë se ai. I pranishëm në protestën për rritjen e pagave, ai solli në fokus një rast, duke thënë se një student i tij i sjell çdo javë naftë nga Mali i Zi pasi aty është më lirë.
Apeli I tij është ndaj kryeminisrit Rama dhe Ministres së Arsimit, Evis Kushi, që të shohin kërkesat e tyre me përparësi.
“Një gjë që e dimë të gjithë, nuk kemi pse të mos e themi. Ne po reagojmë për pagat më të larta, sepse ato sjellin më shumë ekonomi, përmirësojnë më shumë ekonominë.
Ka 18 vjet që nuk na indeksohen pagat dhe as na rriten. Një studenti i imi merr rrogë në Kosovë dy herë më shumë se mua. Një tjetër në Podgoricë tre herë më shumë se mua.
Një student i imi murator në Tuz më sjell çdo javë 10 litra naftë se e merr naftën me 1400 lekë, këtu e marrim me 2400 lekë. Imagjinoni se me çfarë mizerjesh qeverisjesh jemi në këto 20 vjet.
Unë kam qenë për rritje 100% të pagës. I bëj thirrje kryeministrit dhe Ministres së Arsimit të shohin këtë përparësi. Të rrisin pagën e punonjësve të universiteteve. Nuk ka arsye të kemi këto paga, krahas rritjes së pagave dhe pensioneve”, tha Susaj.
Pedagogu i bëri thirrje kryeministrit dhe qeverisë që t’i heqë patronazhistët, pasi po i bëjnë presion.
“I bëj thirrje kryeministrit të na ndalë patronazhistët dhe strukturat partiake mbi stafet pedagogjike që mos reagojmë. Ne po reagojmë për pagat dhe jo për partinë”.
