Zëdhënësja e Partisë Demokratike, Ina Zhupa, akuzon faktin se sipas saj, zyrtarët e Bashkisë së Tiranës bëjnë shpenzime luksi me paratë e shqiptarëve.
Përmes një deklarate për mediat, Zhupa deklaroi se nënkryetari i Bashkisë Tiranë, Arbjan Mazniku ka bërë pushime luksi me paratë e taksapaguesve të kryeqytetit. Sipas saj, kryeministri Rama dhe kryebashkiaku Veliaj, vazhdojnë të jenë në pushtet, duke bashkëpunuar me banditë dhe oligarkë.
“Veliaj dhe Bashkia Tiranë kanë pranuar shkeljen e ligjit kur kanë pranuar se z. Fusha ka paguar 900 euro në natë për nënkryetarin Mazniku. Paratë e taksapaguesve shqiptarë shkojnë në Bashkinë e Tiranës dhe aty i merr Fusha Shpk.
Është shembulli më i madh me vjedhjet me oligarkët. Bashkia e Tiranës ka dhënë përparësi vetëm Fusha Shpk, e cila rezulton se është kompania që ka përfituar më tepër. Në 47 tendera janë marrë me fondin limit që është vënë në dispozicion. Nga këto para burojnë për Maznikun. Prokuroria nuk ka nisur hetime për Maznikun, i cili ka shkelur disa ligje. Prokuroria duhet të hetojë rasti.
Arbjan Mazniku nuk ka deklaruar këtë dhuratë edhe pranë ILDKP. Veliaj hesht, sepse ky është modeli i qeverisjes së tij, vidhy me oligarkët dhe shpenzo pa fund duke bashkëpunuar me kriminelë e oligarkët. Ka vetëm një rrugë: Të largojmë Ramën e Veliaj dhe maznikët e tij, që pushtetin e kanë kthyer në një bandë të vjedhjes”, u shpreh Zhupa.
