Reforma në drejtësi ka hasur në pengesa të shumta, si në sferën politike, por edhe ndërkombëtarët kanë patur qëndrimet e tyre në këtë pjesë. Qëndrimet me të prera i ka patur vetë ambasadori amerikan, Donald Lu, por gjatë ditës së sotme ka qenë deputeti i PD-së Gent Strazimiri, i cili ka replikuar në rrjetin social Twitter sa i takon reformës në drejtësi.
Kjo replikë e Strazimirit me ambasadën amerikane vjen në një kohë kur gjatë ditës së djeshme, i pari i SHBA-së në Tiranë tha se politikanë si majtas ashtu dhe djathtas kanë frikë nga zbatimi i reformës.
Ndërkohë Strazimiri shkon më tej teksa shkruan se “Do të doja të kishte qenë e mundur që “përzgjedhja e rastësishme” të ishte edhe për votën e Shqipërisë “për Jeruzalemin”, ashtu siç ishte për “reformën e drejtësisë tavarish” (fjalë ruse për shok, që përdorej në sistemin sovjetik). Duke vepruar kështu, ne do të kishim patur pothuajse 60% të probabiliteteve për t’u renditur në mesin e “miqve të SHBA“. Strazimiri në këtë komunikim vendos në dijeni edhe ambasadoren e SHBA në OKB, Niki Haley”-vijon komentin Strazimiri.
