Inceneratorët janë kthyer në debatin kryesor mes partive politike në prag të zgjedhjeve të 25 prillit.
Partia Demokratike shprehet se pronari i vërtetë i inceneratorëve të Tiranës, Fierit dhe Elbasanit, është kryeministri Edi Rama, dhe se ka gllabëruar 75 milion euro nga paratë e taksave dhe s’kanë punuar kurrë.
Eksperti i ekonomisë në PD, Dorjan Teliti, publikoi një grafik, në rrjetin social, Facebook, dhe tha vëllimi i mbetjeve të trajtuara në vitin 2019 është rritur vetëm 15%, krahasuar me vitin 2013, ndonëse janë paguar 75 milion euro.
Postimi i Telitit në Facebook
ER pronari i vërtetë i 3 inceneratorëve që kanë gllabëruar deri më sot 75 milion euro nga paratë e taksave dhe s’kanë punuar kurrë, u thotë shqiptarëve se 37% më shumë shqiptarë mbulohen sot nga trajtimi i plehrave. E vërteta është krejt ndryshe!
Vëllimi i mbetjeve të trajtuara në vitin 2019 është rritur vetëm 15%, ndonëse inceneratorët e Edi Ramës, Erion Veliajt, Arben Ahmetajt dhe Klodian Zotos u kanë marrë shqiptarëve 75 milion euro dhe planifikojnë t’u marrin edhe 400 milion euro të tjera në vitet në vijim.
https://www.facebook.com/dorjan.teliti/posts/10158666636168389
