Basha e Rama zihen si dy ujqër të uritur, në tentativë për të shqyer prenë e tyre. Sharjet me libër shtëpie e deri tek viktimizimi, janë një pasqyrë e përgjithshme e asaj çfarë ndodh rëndom në Kuvend dhe jo vetëm. Një opozitë që bën si e fortë, duhet të jetë e kompletuar me të gjitha komponentët kryesorë.
Së fundmi ka një tendencë të gjetjes së një gjuhe të përbashkët nga të rinjtë e PD-së e LSI-së. Por ndryshe nga ta, në nivelet më të larta shihet një flluskë sapuni.
Basha ndjek këmba-dorës Ramën, por në këtë rrugëtim shohim një menefregizëm të Monika Kryemadhit.
Dalja e Bashës e akuzat ndaj Ballës, sollën një reagim të zëshëm nga të dyja palët. Por Mona duket se e ka lënë në baltë Bashën, e ndërsa dalja e saj e fundit daton në fillim të qershorit.
Vallë ç’ka ndodhur me drejtuesit e opozitës, ku njëri fle gjumë, e tjetri bën zhurmuesin? Ku shkoi dashuria mes tyre? Pse Monika e çizmes nuk ka asnjë qëndrim për Toyotan?
LEXO EDHE: (VIDEO) Pse Luli dhe Monika janë ftohur midis tyre?!
Nëse bëjmë bilancin, ata të përçojnë ndjesinë për një opozitë të fortë. Por krejt natyrshëm na vjen pyetja: A është vallë kaq e fortë? Nga një anë, Basha po bën të fortin e lagjes. Ai shkakton rrëmujë në Kuvend, e ndërsa Mona, i vjen pas avazit, duke ngritur krye e bërë një video live.
Basha e Kryemadhi janë në tentativë për të bërë një opozitë të fortë nëpërmjet internetit. Jo më larg se seanca e së enjtes, Basha për pak sa nuk u përlot, pasi nuk kishte internet.
Duke mos gjetur konsensus mes palëve, kreu demokrat e ka parë këtë si çelësin e artë. Ndryshe nga ta, Kryemadhi nuk e ka parë të udhës. Ajo mjaftohet me një dalje live në Facebook, e në të shumtën e rasteve ajo preferon që të përballet me ata që i përmendin emrin… dhe jo vetëm.
Sot PD, sikundër edhe më herët u hakërrue ndaj Ballës lidhur me sekuestrimin e 3.4 milion eurove në portin e Durrësit. Por ndryshe nga PD-ja e cila lëviz çdo gur, pse Mona hesht?!
TIRANA TODAY
