Ish deputeti i PD, Ervin Salianji ka zbuluar se kryeministri Edi Rama e ka anuluar takimin që kishte paralajmëruar në Devoll, në kuadër të fushatës elektorale.
Ai shkruan në Facebook se takimet e Ramës janë si koncerte me biletë, ku ftohen vetëm servilët e Rilindjes, e ndërsa për taksapaguesit ai nuk gjendet në takime me ta.
“Rama anullon takimin në Devoll, fshihet tek “Princesha”. Një ditë më parë kryetari i PS i kërkon Bashkisë së Devollit leje për të tubuar në sheshin para Bashkisë. (Foto 1.)
Pasi marrin dijeni që protesta qyetare s’do lejojë asnjë tubim farsë, bëjnë njoftime për tu futur nëpër lokale periferie. (Foto 2)
Takimet e Ramës janë si koncerte me biletë ku ftohen vetëm servilët e Rilindjes!
Për taksapaguesit shqiptarë ai nuk gjendet në ecje apo takime më qytetarë!
Sot në Devoll, qindra qytetarë të organizuar nga “Aleanca qytetare për mbrojtjen e demokracisë” do të ishin në takimet qe Rama i mban të fshehta. Për këtë kanë bërë gjithçka të informohen spiunët e Rilindjes.
Sapo u informuan për revoltën qytetare, Rama e anulloi takimin dhe e kryen atë i mbyllur në qebabtore “Princesha”.
