Partia Demokratike ka publikuar listën e kandidatëve të qarkut të Kukësit, të cilët do të votohen nga anëtarësia.
Anëtarët e PD në Kukës janë thirrur të votojnë nesër në bllok për listën e kandidatëve ose të refuzojnë një prej tyre.
Ajo që bie në sy për rrethin e Kukësit është mungesa e Flamur Nokës, ndërsa për Tropojën vijojnë të mbeten emra të njohur, ish-deputetë e ish-kryetarë bashkie.
Me vendim të Komisionit të Vlerësimit të Kandidatëve, lista e kandidatëve që sipas nenit 62 të Statutit të PDSH përmbushin të gjithë elementët e nevojshëm për ecurinë në karrierë, për përfaqësim politik të Partisë Demokraike, në nivel qendor apo lokal, që kalojnë fazën e dytë dhe i nënshtrohen konsultimit me anëtarësinë, është si më poshtë:
Dega Kukës, Qarku Kukës:
- Admir Sinamati
- Arben Cejku
- Bashkim Shehu
- Ibrahim Bruka
- Sahit Prizreni
- Vjollca Vata
Dega Tropojë, Qarku Kukës:
- Besnik Dushaj
- Feride Rrahmani
- Isuf Çela
- Lush Susaj
- Mimoza Hajdarmataj
- Xhem Nezaj
Dega Has, Qarku Kukës:
- Avenir Peka
- Demush Kastrati
- Elez Maci
- Ismet Jaku
- Zenel Kastrati
Pas përfundimit të procesit të konsultimit me anëtarësinë, kandidatët që konfirmohen nga antarësia, i nënshtrohen vlerësimit të Komisionit në fazën e tretë, ku secili anëtar voton bazuar kryesisht në vlerësimin e performancës politike të kandidatit dhe mundësinë e maksimalizimit të votës.
Pas këtij vlerësimi, rreth 300 kandidatë që do të kalojnë edhe fazën e tretë, lista i dorëzohet për vendimmarje finale Kryesisë së Partisë Demokratike.
