Këshilltarja Bashkiake e PD-së në Kamëz Enrisa Poleshi ka ndërruar jetë në mënyrë të befasishme.
Gjatë ditës së sotme u zhvillua ceremonia mortore e Poleshit ku në nderim të figurës së saj, kryebashkiaku Xhelal Mziu, anëtarë të Këshillit Bashkiak Kamëz, si dhe të njohur dhe familjarë të saj, e kanë shoqëruar për në banesën e fundit.
Reagimi i Kryetarit të Bashkisë Kamëz, Xhelal Mziu:
Ndahet nga jeta në mënyrë të befasishme, Enrisa Poleshi. Në një mënyrë të befasishme është ndarë nga jeta përfaqësuesja e Partisë Demokratike, në Këshillin Bashkiak Kamëz, në mandatin 2015-2019 Enrisa Poleshi. Enrisa Poleshi në një moshë fare të re përqafoi idenë për të hyrë në politikë dhe për të dhënë kontributin e saj për qytetarët e Bashkisë Kamëz.
E karakterizuar nga një edukatë qytetare dhe gjithmonë e gatshme për të mbështetur me miratim, aprovimin e të gjithë veprimtarisë së Këshillit Bashkiak, Enrisa Poleshi do të mbahet mend për kulturën e saj qytetare si dhe formimin e saj akademik. Në nderim të figurës së Enrisa Poleshit, kryebashkiaku Mziu i shoqëruar nga anëtarë të Këshillit Bashkiak Kamëz si dhe të njohur dhe familjarë të saj, vendosi kurora me lule në banesën e fundit ku u preh trupi i Enrisa Poleshit.
