Ish-kryeministri Berisha, ka nisur një luftë të fortë në prapaskenë, për të bllokuar përjashtimin nga grupi dhe PD-ja. Berisha po jep sinjale se në rast përjashtimi, mund të kemi tensione në PD e politikë. Nuk kanë qenë të paktat rastet kur pas shpalljes “non grata”, ka sulmuar Sekretarin Amerikan të Shtetit, Antony Blinken dhe ambasadoren e Shteteve të Bashkuara të Amerikës në Tiranë, Yuri Kim.
Berisha është hedhur në sulm për të bllokuar përjashtimin nga grupi parlamentar demokrat, dhe distancimit të tij nga Partia Demokratike. Ditën e hënë, PD-ja do të mbledhë Këshillin Kombëtar, ku do të zgjedhë pasuesin e Bujar Nishanit në krye të Këshillit Kombëtar, Kryesinë e re, Sekretariatin, Departamentet, organet e tjera brenda partisë dhe ndërkohë pritet të mbajë edhe qëndrim sa i takon shpalljes “non grata” nga Shtetet e Bashkuara të Amerikës të ish-kryeministrit Sali Berisha.
