Deklarata e analistit nga Kosova, Baton Haxhiu ka shkaktuar bujë në vendin tonë. Ai deklaroi mbrëmë në emisionin ‘Open’ se PD do të zhduket dhe LSI-ja do të pësojë zbehje pasi shqiptarët kanë nevojë për një parti të re.
Jo vetëm kaq, por Haxhiu foli për një zëvendësim të këtyre partive nga partia Vetëvendosje, ndërsa djegien e mandateve, ai e quajti si një veprim që sjell humbjen e roleve të PD dhe LSI brenda 2 muajsh.
Kreu i grupit parlamentar të LSI-së, Petrit Vasili ka zgjedhur t’i përgjigjet Baton Haxhiut, teksa shkruan në Facebook: “Dëgjojeni këtë Batonin, nuk e ha…levrekun kot sa krahu ky”.
