Partia Demokratike i ka dorëzuar sot një kërkesë Byrosë dhe kreut të Kuvendit Ruçi për përjashtimin e deputetit Pjerin Ndreu për 10 ditë nga seancat plenare.
Ndreu u përfshi në një debat me Salianjin, madje ky i fundit doli në një deklaratë për mediet, ku pretendoi se socialisti e kishte kërcënuar.
Por, pas dorëzimit të kësaj kërkese, Kuvendi e ka refuzuar atë.
“Kjo mbledhje nuk mund ta shqyrtojë këtë rast sepse byroja nuk jep ndëshkime kur njerëzit shahen e fyhen në Komision. Ka parashikime vetëm për seancat plenare”, mësohet të ketë thënë Ruçi, duke hedhur poshtë kërkesën e opozitës.
Kreu i Kuvendit, duke iu referuar rastit në fjalë, propozoi ndyshime në rrregullore, gjë që ka shkaktuar debat mes tij dhe Palokë.
“Meqë jeni gjithë përfaqësuesit e partive, propozoj ndryshime në rregullore që të përfshijmë edhe fyerjet në komisione”, tha Ruçi.
“Na keni thirrur për ndryshim në rregullore? Nuk ju duket absurde që na thërrisni për këtë argument? Ju mbrojtët Sajmir Tahirin, nuk më bën përshtypje që mbrojtët Pjerin Ndreun”, tha Paloka.
