Rama ka ripërsëritur ftesën për një tryezë me kryedemokratin Basha, për të zgjidhur krizën politike, por kjo pa kushte. Ai tha se është gati në çdo moment për tu ulur e për të gjetur gjuhën e përbashkët me kreun e PD-së, Lulzim Basha, për ti ofruar gjithçka ka në dorë, por jo me kushte!
“Jam gati të ulem me Lulin në çdo moment, e të ofroj gjithçka që kemi në dorë, por jo me kushte. Kushtetutën ne me të drejtën për t’u zgjedhur, Lulzimi për të mos hyrë në zgjedhje, këtë nuk ia sugjeroj as armikut, jo më Lulzimin që as armik nuk e kam, e s’mund ta kem”, tha Rama.
Kryeministri ka folur për marrëveshjen e kaluar, teksa tha se Basha nuk e zbatoi atë. “Filluan bombat mbi derën e Kryeministrisë. E bëjnë që të mos përsëritet ajo që u bë në 2017, e që i dhe popullit zgjedhjet më të qeta, dhe vendit një stad tjetër, por këta në vend se të qëndronin dhe të ndërtonim bashkë, përsërisin pa pushim, se nuk do e përsërisin kurrë atë mëkat.
Kurrë më një marrëveshje, dialog, por pengmarrje me bomba deri kur të ikë ajo që nuk e mundin dot me zgjedhje. PD ka ndërruar qimen dhe jo zakonin, Lulzimi është vetëm qimja që nuk bëhet dot zakon.
Deri kur PD të mos heqë dorë nga ai zakon, nuk do të ketë shans të sfidojë PD. Basha imagjinon të paimagjinueshmen, marrjen e pushtetit duke e kthyer PD se shfaqja me agresive e forcës së atij zakoni ndërkohë që Shqipëria është vend i NATO-s, dhe pret çeljen e negociatave për anëtarësim, aleat i fortë me SHBA dhe partnerët strategjikë.
Basha e imagjinon të paimagjinueshmen, se shpirti i kësaj partie është doktori i gabuar, jo kryetari i lakuar, me doktorin që e shtyn nga pas, doktoreshën që e tërheq përpara dhe masën që e ndjek nga ekrani”, ka thënë ai.
