Ish-deputetja e PD-së, Jorida Tabaku, ka reaguar menjëherë pas dorëheqjes së drejtoreshës së Autoritetit Rrugor Shqiptar (ARRSH), Sonila Qatos, pas konfliktit me “Gjoka Construction”, e cila ka ngritur edhe padi ndaj saj.
Ish-deputetja e PD-së paralajmëron se ditën e nesërme do të publikojë prova për konfliktin që detyroi Sonila Qaton të largohet. Sipas saj, dorëheqja e Sonila Qatos është pjesë e luftës e brendshme, për vjedhjen e milionave eurove.
Madje Tabaku shkon më tej duke thënë se Rama, largoi nga detyra drejtoreshën e Agjencisë së Rrugëve, Sonila Qato, vetëm një orë përpara se gjykata të marrë vendimin për Saimir Tahirin. Po sipas ish-deputetes, një dorëheqje që ka qenë gati që dje e firmosur.
Statusi
Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtorëshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!
Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët!
Asgjë nuk do të harrohet! Çdo aferë korruptive do t’i bëhet e njohur publikut!
Partia Demokratike do të sjellë që nesër prova për skandalin që detyroi Sonila Qaton të largohet.
