Pas protestës së 26 majit ku opozita e bashkuar kërkoj nën drejtimin e Partisë Demokratike dorëheqjen e ministrit të Brendshëm, Fatmir Xhafaj. Protesta u quajt sukses nga ana e opozitës dhe një dështim i madh nga mazhoranca. Ishte hera e parë që nuk u fol për numrin e protestuesve sepse pjesëmarrjen e panë të gjithë shqiptarët që ishte shumë e ulët. Lulzim Basha u kritikua edhe nga demokratët për tërheqjen paqësore nga tubimi.
Por me sa duket demokratët nuk kanë hequr dorë nga protestat për shkarkimin e Fatmir Xhafajt. Këtë herë nuk është kryetari i PD-së që i fton njerëzit në protestë, por vetë kreu i FRPD-së Belind Këlliçi i cili fton të rinjtë që të protestojnë për shkarkimin e Xhafajt sepse opozita pretendon se ai mbron vëllain e tij të dënuar për trafik droge.
Përmes një njoftimi në rrjetin social ‘Facebook’, Këlliçi u bën thirrje qytetarëve që të bëhen pjesë e tubimit. Mësohet se protesta do të mbahet nesër në orën 12:00 para ministrisë së Brendshme.
