Sekretari i Përgjithshëm i PD-së, Gazment Bardhi ka folur nga rrethrrotullimi i Doganës, ku ka thënë se protestat e opozitës nuk do të ndalen me kaq.
Ndër të tjera, Bardhi ka deklaruar se protesta e radhës para godinës së Kryeministrisë do të zhvillohet më me 11 Maj në orën 18:00, teksa ka shtuar se do të jetë akoma edhe më e madhe se protestat e mëparshme.
“Ju do ti merrni informacione hap pas hapi, sot janë bllokuar akset kryesore rrugore ne 12 pika, në javët në vijim do të njiheni me zhvillimet e tjera. Protesta e ardhshme para kryeministrisë do të jetë më 11 maj në orën 18:00 do të jetë më e madhe se 16 shkurti e 16 marsit dhe më e madhe se e 13 prillit do të jetë në rrugën e duhur se kemi mbështetje nga qytetarët. Sigurisht që qytetarët janë të lirë të organizojnë protesta ku të duan. Qytetarët kanë të drejtë të protestojnë para Bashkisë së Tiranës. Si kundër do të ketë edhe protesta rajonale nga qytetarë, fermerë dhe çdo shtresë”, deklaroi Bardhi.
