“Opozita do t’i kthehet protestave masive”, ky ka qenë mesazhi që ka përcjellë nënkryetari i Partisë demokratike Edmond Spaho gjatë një aktiviteti në Mirditë, me rastin e 29 vjetron e krijimit të kësaj dege të PD-së.
Sipas tij, nëse deri në mars, pas miratimit të reformës zgjedhore, nuk caktohet data e zgjedhjeve të përgjithshme dhe vendore, PD-ja do t’i kthehet fuqishëm protestave në rrugë.
“Protestat do të jenë rruga që do të na shoqërojë ne nëse pas 15 marsit nuk caktohet data e zgjedhjeve të përgjithshme të parakohshme. Do të luftojmë që në 15 mars reforma zgjedhore të ketë përfunduar. Kjo është detyra jonë. Detyra e radhës është caktimi i datës së zgjedhjeve të parakohshme parlamentare dhe vendore në të njëjtën ditë”, tha ai.
