Komisioni i integrimit dhe prezantimi i raportit te Komisionit te Europian ka bërë bashkë PS dhe PD. Opozita ka thyer bojkotin e saj për t`iu bashkuar komisioneve parlamentare ditën e sotme. Ka qene ambasadorja e BE-së, Romana Vlahutin, ajo prezantoi raportin e Komisionit Europian
Në fjalën e saj, ambasadorja Vlahutin u ndal tek arritjet kryesore të vendit tonë, në përpjekje për të përmbushur objektivat.
Duke u ndalur tek reforma në drejtësi dhe vettingu, ambasadorja Vlahutin tha se duhet arritur progres serioz sa i takon dënimit të zyrtarëve të korruptuar.
“Shqipëria ka shënuar progres sa i takon luftës së trafikut të drogës. Ndërsa lufta kundër krimit mbetet sfidë për vendet e Ballkanit Perëndimor. Sa i takon dënimit të zyrtarëve duhet progres serioz. Komisioni Europian vëren padrejtësi ndaj njerëzve sa i takon çështjeve ë pronës. Kjo çështje duhet të ketë një zgjidhje tërësore. Raporti i KE ndalet tek 5 pikat kryesore, por duhet vullnet politik për të ecur përpara në përmbushjen e tyre”, u shpreh ambasadorja Vlahutin.
