Kryedemokrati Basha, në një prononcim për mediat pas caktimit të datës së protestës së ardhme e cila do të mbahet të hënën e 8 korrikut, në orën 20:00, u ka bërë thirrje qytetarëve që të mos dorëzohen.
Teksa ka falenderuar qytetarët, që sipas tij, refuzuan diktaturën, ai u ka kërkuar që të bëhen bashkë për të vetmin mision, atë të largimit të Ramës nga pushteti.
Kreu i PD-së, ndër të tjera ka thënë se të gjithë së bashku do bëhen bashkë në betejën për çmontimin e diktaturës.
Pas takimit me krerët e degëve dhe të bashkive të djathta, Basha bëri thirrje për pjesëmarrje në protestën e 10 kombëtare.
“Dua të falenderoj nga zemra mbi 85% të shqiptarëve, dua t’i ftoj këta shqiptarë dinjitoz të na bashkohen ditën e hënë në orën 20:00, në një protestë të madhe, për të vazhduar të vendosur betejën tonë për çmontimin e diktaturës. Të gjithë bashkë në orën 20:00 në protestë”, u shpreh Basha.
