Kryetari i partisë Bindja Demokratike, Astrit Patozi ka publikuar në rrjetin social, Facebook fjalimin e tij në parlament në vitin 2016.
Asokohe, Patozi deputet dhe nënkryetar i Partisë Demokratike, denoncoi blerjen e votave nga qeveria në zgjedhjet lokale të zhvilluar në Dibër.
Por, në sallë ishte vetëm Patozi nga kolegët e opozitës, pasi grupi i PD braktisi sallën.
Patozi paralajmëroi se në zgjedhjet parlamentare të vitit 2017, manipulimi i procesit zgjedhor do ishte edhe me i madh, çka rezultoi e vërtetë.
Sipas tij, zgjedhjet e Dibrës në 2016-ën, ishin paralajmërim për humbjen e thellë të PD në vitin 2017.
Postimi i Patozit
ZGJEDHJET E DIBRËS, SI PARALAJMËRIM PËR HUMBJEN E THELLË TË PD NË VITIN 2017
(Rrugëtimi i Bindjes Demokratike – 6)
Shtator 2016. Denoncon zgjedhjet e parakohshme të Dibrës, i vetëm përballë Edi Ramës, ndërkohë që grupi i PD braktisi sallën në mënyrë të pakuptimtë dhe paralajmëron për manipulimin e madh 2017-ës.
Për më shumë se një vit në parlament foli vetëm për temën e zgjedhjeve, si një kërcënim, që duhet të shmangej nga PD, por që nuk ndodhi kurrë për shkak se Lulzim Basha kishte plane të tjera.
