Fillimisht lajmi mori dhenë se vajza e Azem Hajdarit do të ishte kryetare e partisë ‘Bindja Demokratike’. Këto zëra më pas u mohuan, e ndërsa burime për ‘Report Tv’ thanë se Astrit Patozi, ish-n/kryetar i PD-së në kohën e Berishës, do të drejtojë partinë ‘Bindja Demokratike’.
Nesër do të regjistrohet në gjykatë dhe më pas në Komisionin Qendror të Zgjedhjeve (që është afati i fundit) për vendoret e 30 qershorit, partia e re ‘Bindja Demokratike’ me kryetar Astrit Patozin.
Fabian Topollaj, ish-anëtar i këshillit bashkiak të Tiranës, i njohur si kritik i fortë i Lulzim Bashës, ka konfirmuar se ‘Bindja Demokratike’ do të marrë pjesë në zgjedhje. Po kështu ai do të jetë anëtar i kësaj force.
‘Bindja Demokratike’ do marrë pjesë në zgjedhje. Unë do të jem anëtar i ‘Bindjes Demokratike’. Po përgatisim dokumentacionin, nesër e dorëzojmë në gjykatë’, tha ai.
Astrit Patozi pritet që të mbledhë në subjektin e ri ‘gardën’ e vjetër që u largua nga Lulzim Basha, para zgjedhjeve të qershorit të 2017, por edhe të zhgënjyerit nga lidershipi i partisë më të madhe opozitare në Shqipëri.
