Astrit Patozi, një ndër zërat kritikë brenda së djathtës, me anë një analize ka reflektuar lidhur me protestën e opozitës dje, dhe më tej djegien e mandateve. Ai këtë e konkretizon me marrëveshjen mes Ramës e Bashës në 17 maj, ku dolën nga Kryesia e Kuvendit të qeshur dhe krenarë.
Shkurt dhe qartë, Patozi thotë se me atë që bën pazar, mund të bësh edhe luftë. Duke e demostruar në shkrimin e tij në mënyrë figurative, Patozi nënvizon se dy armiqtë e përbetuar, Rama e Basha, dikur kanë qenë miq dhe kanë ndarë territore dhe lekë me njëri-jetrin.
I revoltuar për çfarë ka ndodhur me situatën politike deri më tani, ish-deputeti citon ndër të tjera se ‘Shqipëria nuk u ka asnjë borxh, qoftë edhe ankthin e disa ditëve për të ardhmen e vetë këtyre aventurierëve’.
Por duke e monitoruar situatën me imtësi, ai është i mendimit se Shqipëria nuk do të digjet. Në shkrimin e ndarë me të gjithë ndjekësit në Facebook, Patozi e gjen shpresën tek ndërkombëtarët. Për të, ata janë të vetmit që mund të evitojnë një skenar të kobshëm.
