Partia Demokratike i është drejtuar Prokurorisë së Posaçme Antikorrupsion me një kallëzim penal, lidhur me pasojat e tërmetit të 26 nëntorit 2019, ku solli viktima e të lënduar.
Mes personave të kallëzuar nga PD janë Erjon Veliaj, Sandër Lleshaj, Artur Bushi, Vangjush Dako, Valbona Sako dhe Besa Shahini, të cilët akuzohen nga selia blu për “shpërdorim detyre”, “Vrasje nga pakujdesia” në rrethana rënduese, “Shkelja e barazisë së pjesëmarrësve në tendera apo ankande publike”, “Korrupsioni pasiv i personave që ushtrojnë funksione publike” “Korrupsioni pasiv i funksionarëve të lartë shtetëror ose i të zgjedhurve vend”.
Tërmeti shkatërrues i 26 nëntorit, ku u shuan 51 jetë e me mijëra persona mbetën pa banesat e tyre, është më vdekjeprurësi në botë për vitin 2019.
Tërmeti i 26 nëntorit preku kryesisht Durrësin dhe Thumanën, dy zonat me më shumë viktima.
Viti 2019 do të mbahet mend gjatë si një vit zie, për shkak të këtij tërmeti që mori 51 jetë.
