Ish-kryeministri Sali Berisha ka reaguar mbrëmjen e sotme lidhur me ngjarjen e ndodhur sot në Komisionin e Jashtëm, ku kryetarja Mimi Kodheli e mbylli mbledhjen sapo opozita do të bënte pyetje ndaj ministrit.
Sipas ish-kryeministrit Berisha, Kodheli e mbylli mbledhjen pasi nuk donte që të zbulonte tradhtinë që po bën Rama e Bushati, duke i shitur detin Greqisë.
Por shqiptarët nuk e harrojnë marrëveshjen e qeverisë Berisha me shtetin grek për çështjen e detit në vitin 2009. Të gjithë e dinë që ajo marrëveshje u hodh poshtë nga Gjykata Kushtetuese e cila e hodhi poshtë marrëveshjen duke deklaruar se cënohet dhe falet territor i Republikës së Shqipërisë.
Pyetja që çdo shqiptar bën sot është se me çfarë morali Berisha i kërkon shqiptarëve që të mbrojnë territorin detin kur ai ishte vetë që e shiti në vitin 2009.
Zografi urdhëron i tmerruar ndrikull Mimi Trafikun të mbyllë punimet e komisionit parlamentar!
Të dashur miq, Zografi i dytë, për të mbylluar aktin e tradhëtisë së tij të lartë kombëtare urdhëroi sot ndrikull Mimi Trafikun të mbyllë në mënyrën më të paskrupullt seancën e pyetjeve në komisionin parlamentar për Ditzi Tradhëtar Bushatin për shitjen e Detit dhe pasurive përrallore të gazit dhe naftës të Shqipërisë në detin Jon.
Me aktin e sotëm banditesk, Zografi i dytë dhe Ditzi Tradhëtar Bushati vetëm se faktuan se ata kanë frikë vdeksore nga transparenca, e cila nxjerr në dritën e diellit dhuratën që i bënë Greqisë prej 1200 km katror det dhe triliona fuçi nafte dhe meter kub gaz pasuri kombëtare e Shqipërisë.
Po rikujtoj këtu se ministri i mbrojtjes i Greqisë ka deklaruar në media se me marrëveshjen e detit me Shqipërinë zmadhohet atdheu (Greqia). Kurse Kryeministri Cipras deklaroi pas marrëveshjes me Zografin e dytë të Londrës ku vendosën copëtimin e dytë të trojeve shqiptare se zgjidhja (marrëveshja) i jep avantazh të rëndësishëm Greqisë në Zonën Ekskluzive Ekonomike (pra zonën e naftës dhe gazit).
Me këtë rast u bëj thirrje shqiptarëve të ngrihen fuqishëm për t’i rezervuar Zografit të dytë dhe Ditzi Tradhëtar Bushtatit fundin e merituar!
