Pas Myrteza Çaushit, edhe kundërshtari i tij Gazmend Brakaj ka kërkuar lirimin me kusht.
I njohur ndryshe me pseudonimin “Gaxhai”, Brakaj është i dënuar me burgim të përjetshëm dhe vuan dënimin në burgun e Peqinit.
Ai ka dy dënime me burg përjetë. I pari i është dhënë për vrasjen e Ilir Pajës dhe Arben Xhungës, dy shokëve të Lulzim Berishës në Durrës.
Ndërsa dënimi i dytë me burg përjetë i është dhënë për vrasjen e Bashkim Dules, Sadik Kurtit, Avdul Bajramit, Dhimitraq Mishkas, Zini Harunit, Robert Myftarit, dhe policit Viron Rrapaj.
Kërkesa e Brakajt është depozituar më 6 mars të vitit 2020, por është rrëzuar nga Gjykata e Elbasanit më datë 8 korrik 2020.
Gjyqtarja Miranda Çekrezi vendosi që ta pushojë këtë gjykim, pasi vetë avokati mbrojtës i ‘Gaxhait’ nuk u paraqit në sallë.
