Ditën e sotme u votua qeveria e re në Kosovë dhe kryeministër u përzgjodh Avdullah Hoti.
Mirëpo edhe pas kësaj, sërish Presidenti Hashim Thaçi vijon që të thumbojë publikisht ish-kryeministrin Albin Kurti.
Përgjatë një deklarate mediatike, Thaçi pohoi se Kurti, pas shkarkimit, po bëhet qesharak:
“Nga Kurti kërkohet një pranim dorëzim sa më i lehtë të ‘qeveria Hoti’ dhe të heqë dorë nga barrikadimi i zyrës. Pas shkarkimit ai po bëhet qesharak”.
Në vijim, ai uroi Hotin, zëvendëskryeministrat dhe ministrat për marrjen e detyrave të reja.
“Si President uroj deputetët për mbarëvajtjen e seancës në Kuvendin e Kosovës, për maturinë që treguan deputetët. Është ditë e rëndësishme, pasi që sot vendosëm një gur tjetër në themelet e shtetësisë dhe demokracisë të Kosovës.
Uroj Hotin, zëvendëskryeministrat dhe ministrat për marrjen e detyrave të reja. Nuk kemi kohë të humbasim, duhet të fillojmë të punojmë”, tha Thaçi.
