Pas UEFA-s, Skënderbeu goditet rëndë edhe nga Vllaznia (Video)

Skënderbeu bie në Shkodër pas goditjes së fortë që i dha UEFA vetëm pak ditë më parë. Është Vllaznia ajo që feston në këtë takim dhe merr një tre pikësh të artë, që i jep shpresë për misionin mbijetesë. Vendasit gjejnë golin e parë sapo zbresin në fushë me anë të fireakut, Andi Ribaj, ai që shënon që në minutën e 2-të, duke i dhënë një stimul të madh psikologjik kuqebluve.

Skënderbeu hidhe në sulm dhe rastet nukj mungojnë, por Muzak, Dita dhe Gavazaj nuk tregohen të saktë para portës. Në minutëbn e 21’ është Soëe që përfiton mjaft mirë, pas një pasimi të saktë në zonë. I shpëton Orelkesit dhe i vetëm përballë portierit Sherri nuk gabon dhe barazon ndeshjen në 1-1.

Përpjekjet e vendësve i kurorëzon sërish Andi Ribaj, në minutën e 44-t, kur kompleton dopietën e tij personale dhe e dërgon Vllazninë në avantazh në pushimin mes dy pjesëve të lojës. Fraksioni i dytë i ndeshjes nis më vrullshëm për Skënderbeun, që duket i orientuar drejt portës vendëse. Por pavarësisht përpjekjeve të shumta dhe dominimit të lojës ata nuk arrijnë të gjejnë më rrugën e rrjetës. Vllaznia dukej qartë që ishte e fokusuar më shumë për të ruajtur rezultatin dhe e bën mjaft mirë.

Me këtë rezultat Vllaznia vazhdon të mbajë vendin e shtatë në renditje, me një pikë më shumë se Teuta që e ndjek nga pas. Ndërsa vetëm 4 pikë është diferenca me Kamzën e vendit të gjashtë e cila do të përballet me Partizanin.