E shtunë, 6 Mars, 2021
13 C
Tirana

Pas Trumpit, evropianët nuk kanë më besim tek aleanca me SHBA-në

Nga: Pierre Haski “Internazionale”

Nëse amerikanët do të dëshironin të shihnin degradimin e imazhit të vendit të tyre pas 4 viteve të presidencës Trump, do të mjaftonte që ata të lexonin rezultatet e një sondazhi të kryer nga një think-tank në 11 vende evropiane. Rezultatet, të bëra publike të martën, janë tronditëse dhe të pashembullta.

Sigurisht që studimi i“European Council on Foreign Relations”(ECFR) nuk do të habisë francezët, trashëgimtarë të Golizmit dhe tradicionalisht më dyshuesit ndaj fuqisë amerikane sesa vendet fqinje. Megjithatë ajo që të habit, është shkalla në të cilën opinionet e qytetarëve të vendeve të tjera evropiane, i janë afruar qasjes së Francës.

Përfundimi kryesor i këtij sondazhi është se për evropianët, sistemi politik i Shteteve të Bashkuara të Amerikës është dobësuar shumë. Studimi i parapriu sulmit në Kongres në fillim të janarit të këtij vitit, dhe sigurisht që shifrat do të ishin sot edhe më të larta nga ato që kanë dalë.

Kjo vetëdije i bën evropianët të besojnë, se Evropa nuk mund t`a llogarisë më mbështetjen e SHBA-së për mbrojtjen e saj nga kërcënimet e jashtme, dhe se për këtë duhet të mendojë vetë. Mbi 60 për qind e evropianëve ndajnë pikërisht këtë pikëpamje, përfshirë Poloninë euroskeptike dhe Britaninë e Madhe që tashmë nuk është më pjesë e unionit (por që gjithsesi ishte përfshirë në këtë studim).

Tendencat më thelbësore

Xho Bajden ndeshet me simpatinë e evropianëve ndaj tij. Por vështirësitë e tranzicionit presidencial në SHBA, kanë përforcuar besimin se problemet e brendshme të Shteteve të Bashkuara, do të thithin vëmendjen e tij kryesore.

Dhe mbi të gjitha peshon mendimi se Shtetet e Bashkuara nuk janë më të besueshme. Amerikanët zgjodhën president Donald Trumpin 4 vite më parë, prandaj është gjithmonë e mundur që pas 4 vitesh ata t`a rikthejnë sërish atë në Shtëpinë e Bardhë, ose të zgjedhin gjithsesi një tjetër demagog.

Në çdo rast, jemi duke folur thjesht për një sondazh, që në fakt është një fotografi e opinionit aktual në një moment të caktuar. Ka të ngjarë që Bajden të jetë në gjendje të rivendosë imazhin e vendit të tij, ashtu siç ishte në gjendje t`a bënte këtë Barak Obama pas presidencës së Xhorxh W.Bush.

Lexo edhe :   Disa shtete amerikane heqin kufizimet nga COVID-i

Studimi tregon se evropianët po shohin nga Berlini dhe jo Parisi, në kërkim të një drejtimi që duhet ndjekur

Megjithatë, përtej kontekstit specifik, shfaqen edhe disa tendenca themelore. Autorët e sondazhit, i ndanë evropianët në 4 familje të mëdha, ose “fise gjeopolitike”, nga të cilat me e vogla në numër, është ajo qëruan një farë besimi tek Shtetet e Bashkuara (më pak se 10 për qind).

Fisi më i madh (35 për qind), përbëhet nga njerëz që besojnë tek Evropa, të pasuar nga ata që e konsiderojnë në rënie kontinentin e vjetër. Askush nuk do të habitet kur zbulon se në këtë kategori hyn Franca dhe pesimizmi i saj kronik, ndërsa Gjermania është një nga vendet që besohet më shumë në Evropë.

Lexo edhe :   Grenell: BE-ja të liberalizojë vizat për Kosovën

Ky dobësim i besimit tek“ombrella” amerikane, e vendos Evropën përpara sfidës së mbrojtjes së vetes. Kjo është ajo që ka kërkuar Franca prej disa kohësh. Por studimi tregon se evropianët po shohin kryesisht drejt Berlinit dhe jo Parisit, në kërkim të një drejtimi që duhet ndjekur.

Por problemi është se Gjermania ka treguar gjithmonë një ngurrim të caktuar për të marrë një udhëheqje të qartë të kontinentit. Për më tepër, pas zgjedhjes së Xho Bajden si president, shumë politikanë gjermanë nuk donin të hiqnin dorë nga një vizion klasik atlantist.

Sondazhi u ofron evropianëve një pasqyrë, për t’u ndërgjegjësuar mbi sfidën aktuale. Pra, pyetja nuk është se çfarë do të bëjnë Shtetet e Bashkuara të Bajdenit, por si synojnë të lëvizin evropianët, që pasi kanë hezituar për vite me radhë të marrin në dorë fatin e tyre, mund të jenë shtyrë nga Donald Trump për t’u kujdesur më në fund për veten e tyre.

Burimi i lajmit: https://www.internazionale.it/opinione/pierre-haski/2021/01/20/trump-fiducia-stati-uniti

Përshtatur nga TIRANA TODAY

- Reklama -

Më shumë nga kategoria




Të fundit

Basha: Sfida më e madhe pas 25 prillit, frenimi i ikjes së të rinjve nga vendi

Kryetari i Partisë Demokratike, Lulzim Basha, zhvilloi sot një takim online me studentë dhe përfaqësues të EDS (European Democrat Students). Të pranishëm në këtë takim...

Angrisano thirrje të rinjve: Keni fatin që keni një udhëheqës si Lulzim Basha

Presidenti i “European Democrat Students” (EDS) Carlo Angrisano, mori pjesë në takimin online të kryedemokratit Lulzim Basha me studentë dhe përfaqësues të EDS (European...

Nuk shkon Çe Guevara në Shqipëri, Albin…

Nga: Skënder Minxhozi 577-vjetori i Beslidhjes së Lezhës, pastaj lule te Çerçiz Topulli e ndonjë anabas tjetër i ngjashëm, që nuk pata kohë ta vë...

E rëndë/ Prej një muaji e shtruar në Infektiv, 22-vjeçarja humb jetën nga Covid

Koronavirusi vijon të marrë jetë njerëzish në vendin tonë. Fatkeqësisht, një 22-vjeçare nga Kolonja nuk ka arritur ta fitojë betejën me virusin ndekjeprurës. E reja,...

Bajern-Dortmund/ Ja çfarë duhet të dini për klasiken gjermane

Bayerni, kryesues i Bundesligës, do të presë vizitën e Borussia Dortmundit në kryendeshjen e javës në Bundes. Fushë-beteja gati për "der Klassiker", një ndeshje...