Pas takimit me kryeministrin Edi Rama, deputetja Rudina Hajdari bëri kërkesë për lista të hapura.
Ajo theksoi se Kreu i Qeverisë duhet të shikojë listat.
“Nuk ka shqiptar që nuk e do ndryshimin zgjedhor. Nuk ka shqiptar që do të shkojë të votojë sigla. Nuk është më çështja e shqiptarëve marrëdhënia e ngushtë që ka Rama me Bashën. Zoti Rama duhet të shikojë listat.
Mirë bëri që riktheu PD-në në sistem. Patjetër që duhet të riktheheshin dhe të mos bojkotojnë më. Por çfarë do t’u sigurojmë ne shqiptarëve sot? Që të mos vijë më një Ramë tjetër! Duhet të hapim listat dhe të mos bojkotojmë. Nuk mundet absolutisht t’i mbyllet dera opozitës parlamentare”, u shpreh ajo.
Kujtojmë se pak më herët, Rama bëri me dije se sot nuk u arrit një konsensus me opozitën parlamentare.
