Kreu i Partisë Demokratike, Lulzim Basha ka zhvilluar një takim me kryetaren e LSI-së, Monika Kryemadhi në ambientet e selisë blu.
Dy liderët janë treguar të rezervuar sa i përket arsyes së zhvillimi të mbledhjes, teksa në përfundim të saj, Basha nuk dha një prononcim për gazetarët, por thjesht i përshëndeti ata duke iu uruar punë të mbarë.
Takimi i opozitarëve i cili zgjati plot 30 minuta, është takimi i tyre i parë për këtë muaj.
Ky takim vjen 1 ditë pas dorëheqjes nga posti i Valdrin Pjetrit, ndërsa në ikje, dy liderët janë parë mjaft të afërt me njëri tjetrin, teksa janë përqafuar mjaft të qeshur.
Ndërkaq, besohet se temë e diskutimit të tyre ka qenë aksioni në vijim i opozitës së bashkuar, por edhe për situatën në Shkodër, ku priten të mbahen zgjedhjet e reja.
