Iker Casillas pak ditë më parë pësoi një sulm në zemër gjatë stërvitjes me skuadrën e tij Porto. Ditën e sotme ai ka marrë “ok” nga mjekët dhe ka lënë spitalin për tu kthyer në shtëpi, pas një trajtimi disaditor.
37-vjeçari u largua nga Spitali Porto CUF me gruan e tij Sara Carbonero, ku u ndal të flasë edhe për mediat.
Iker Casillas has been discharged from hospital today
pic.twitter.com/G62husbHLg
— B/R Football (@brfootball) May 6, 2019
“Duhet të jem mirënjohës, sepse kam qenë shumë me fat. Dua të falënderoj shumë njerëz, ata më kanë bërë të ndihem mjaft i vlerësuar në një moment të vështirë.
Dua të falënderoj personelin e spitalit, sidomos dr. Nelson dhe Joao Carlos, të cilët bënë ndërhyrjen. Jam i befasuar nga dashuria dhe mbështetja që provova këto ditë nëpërmjet rrjeteve sociale nga njerëz të fushave të ndryshme, edhe kolegë të futbollit. Nuk e di se cila do të jetë e ardhmja, por më e rëndësishmja është që jemi këtu. Faleminderit të gjithëve, shihemi së shpejti”, – tha Casillas, shumë i ngazëllyer.
Great to Casillas leaving hospital this afternoon. pic.twitter.com/ptoUbYPAR0
— Brendy Boyle (@BrendyBoyle) May 6, 2019
Ende nuk dihet nëse ish-portieri i Real Madrid do të vazhdojë të luajë. Por sipas Marcas flitet se portieri legjendar spanjoll mund të “mos kthehet më në fushë”.
Casillas kishte nënshkruar një zgjatje të kontratës me klubin e tij aktual në mars, i cili do ta mban atë në “Estádio do Dragão” deri në vitin 2020.
