Ministri i Shëndetësisë në Liban, Hamad Hassan, bën me dije se qeveria ka vendosur të japë dorëheqjen, pas shpërthimit shkatërrues të javës së kaluar në portin e Bejrutit.
Ministri sqaroi se vendimi ishte marrë nga presioni në rritje që vinte nga qytetarët dhe të disa ministrave të cilët kishin paralajmëruar se do të jepnin dorëheqjen.
“E gjithë qeveria dha dorëheqjen”, tha ai për gazetarët në fund të një takimi të kabinetit qeveritar.
Sipas tij, kryeministri Hassan Diab do të shkojë në pallatin presidencial për të dorëzuar dorëheqjen në emër të të gjithë ministrave.
Dorëheqja e qeverisë vjen pas dy ditësh demonstratash në Bejrut, ku u regjistruan edhe përleshje të shumta.
