Kohë më parë, DJ Sardi u përfol gjerësisht në media për lidhjen romantike me moderatoren simpatike Jonida Vokshi. Lidhja nuk funksionoi, e duket se Sardi tashmë ka gjetur sërish dashurinë.
Përpos Sardit, edhe Jonida foli për herë të parë për romancën e saj me një aktor/producent shumë të njohur.
Moderatorja pohoi të shtunën në “Xing me Ermalin”, se ka plane të afërta për martesë, kështu që një dasmë është në horizont.
“Unë me të jam njohur tek seriali ‘O sa mirë’, pasi ishim të dy pjesë e kastit të serialit. Kemi qenë në fillim miq, dhe duke u njohur, duke kaluar kohë bashkë, u dashuruam. Si dy të dashuruar, do vijë një moment që do konkludohet dashuria. Qe si një lloj dashurie me shikim të parë, ka qenë një lloj shkëndije si ajo e një dashurie me shikim të parë”, tha ajo.
Nga ana tjetër, DJ-i e ka gjetur lumturinë në krahët e një tjetër femre, lidhja me të cilën sipas burimeve për “Iconstyle.al”, po bëhet serioze.
