Pas kryeministrit Avdullah Hoti, edhe zëvendësi i tij ka dalë me koronavirus. Lajmin në fjalë e ka përcjellë zëvëndëskryeministri Driton Selmanaj, ndërsa ndodhet në izolim. Për dy javë ai do të qëndrojë në shtëpi. Ai thotë se do të përpiqet që të gjitha obligimet e punës ti kryej nga shtëpia.
“Të nderuar,
Dje e kam bërë testin për covid-19 dhe sot më njoftuan që kam rezultuar pozitiv. Specialistët shëndetësor po më thonë që jam a-simptomatik. Nga momenti i testimit jam izoluar dhe kështu jam i detyruar të qëndroj edhe për dy javët e ardhshme. Do përpiqem që të gjitha obligimet e punës ti kryej nga shtëpia.
Driton Selmanaj”.
Dy ditë më parë, kryeministri i Kosovës, Avdullah Hoti ka ndarë lajmin e infektimit të tij me anë të një postimi në mediat sociale. Në një mesazh të shkurtër, Hoti shkruan se ka bërë testin dhe rezuton pozitiv, por gjendja e tij shëndetësore është e mirë. Kreu i qeverisë së Kosovës njofton se do të vijojë të jetë në izolim për dy javët në vazhdim dhe nuk ka shenja, por vetëm një kollë të lehtë.
