Presidenti i SHBA-ve, Donald Trump iu përgjigjet kërcënimeve të Iranit, i cili u shpreh se kishte vënë në shënjestër 35 lokacione amerikane.
Përmes një postimi në Twitter, Trump paralajmëron se forcat amerikane kanë vënë në shënjestër 52 lokacione iraniane. Ai thotë se në rast se Irani sulmon amerikanët apo asetet e tyre, ata do t’i sulmojnë shpejt dhe fuqishëm.
Vrasja e gjeneralit të lartë iranian, Qassem Soleimani paraqet tensionim edhe më të madh të marrëdhënieve mes dy shteteve, ndërsa Irani është zotuar se do të hakmerret për sulmin e Shteteve të Bashkuara.
Presidenti amerikan tha se Irani po flet me guxim shumë të madh për shënjestrimin e aseteve të Shteteve të Bashkuara, duke shtuar se janë piketuar 52 lokacione iraniane, disa prej të cilave kanë rëndësi shumë të madhe për Iranin dhe kulturën e këtij vendi.
Trum theksoi se 52 lokacionet e targetuara simbolizojnë numrin e pengjeve amerikane që u mbajtën të ngujuar për më shumë se një vit nga Irani, pasi ishin rrëmbyer nga ambasada amerikane në Tehran.
Ndërkohë, në një tjetër postim Trump shkroi:
“Shtetet e Bashkuara shpenzuan dy trilion dollarë për pajisjet ushtarake. Ne jemi më të mëdhenjtë dhe deri tani më të MIRËT në botë! Nëse Irani sulmon një Bazë Amerikane, apo ndonjë Amerikan, ne do dërgojmë disa nga këto pajisjet e bukura të reja… pa hezitim!”
