Pas rezultateve zhgënjyese të skuadrës së Kukësit në Europa League, vjen edhe shkarkimi i trajnerit Ernest Gjoka.
Këtë gjë e ka bërë zyrtare vetë skuadra përmes një postimi në Facebook, ku shprehin edhe falenderimet e tyre ndaj Gjokës, për gjithë punën e bërë në krye të ekipit. Në fund të njoftimi, klubi bën të ditur se shumë shpejt do të njoftohet edhe emri i trajnerit të ri të kësaj skuadre.
Njoftim i Klubit!
Trajneri Ernest Gjoka nuk do të jetë më në krye të skuadrës së Kukësit.
Vendimi është marrë pas rezultateve zhgënjyese të ndeshjeve kualifikuese të Europa League.
Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë.
FK Kukësi falenderon trajnerin Gjoka për punën e bërë në krye të ekipit.
Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!
